Почетна / Свет / Борис Џонсон за премиер на Велика Британија.

Борис Џонсон за премиер на Велика Британија.

Поранешниот градоначалник на Лондон и министер за надворешни работи Борис Џонсон е избран за нов лидер на Конзервативната партија и утре ќе ја наследи Тереза Меј на премиерската функција.

На денешното гласање, 55-годишниот Џонсон убедливо го победи противкандидатот Џереми Хант, освојувајќи 66% гласови.

„Големи привилегија и чест е да се биде избран за лидер на Конзервативната партија. Знам дека ќе има луѓе кои ќе ја преиспитуваат мудроста на овој избор, но ниту еден поединец или партија нема монопол на мудрост. Кампањата заврши и сега да се фатиме за работа. Имам неколку приоритети, но, пред сѐ, да се обединиме и да ѝ вратиме енергија на оваа држава“, изјави Џонсон.

Тој доаѓа на местото на Тереза Меј, која поднесе оставка откако нејзиниот план за брегзит во неколку наврати беше отфрлен во британскиот парламент.

Џонсон вети дека Велика Британија ќе излезе од Европската Унија до 31 октомври, макар и без постигнат договор.

МОЖЕБИ ЌЕ ВЕ ИНТЕРЕСИРА

Штитат ли “Фајзер“ и “Астра зенека“.

Заштитата против ковид-19 обезбедена од две дози на вакцините Pfizer / BioNTech и AstraZeneca почнува …

Leave a Reply

Your email address will not be published. Required fields are marked *