Почетна / Македонија / Брегалница неправедно казнета – останува второлигаш

Брегалница неправедно казнета – останува второлигаш

Управниот одбор на Федерацијата на фудбалската мафија денеска донесе одлука со која Брегалница останува второлигаш.Одлуката “плаче“ да биде оспорена и пред спортскиот суд во Швајцарија, бидејќи во неа нема ништо фудбалско уште помалку спортско.Какво е тоа првенство во кое нема испаѓање на наславите, какво е тоа првенство за кое сте донеле нормативи и истите не ги почитува фудбалската мафија.Нема дополнителни натпревари за влегување во прва лига, но затоа има циркуска одлука за бараѓи за влегување во втора и трета лига.Невидена простотија и глупост.Но од таков ков на луѓе и неможе да се очекува мудро решениа. ФК Брегалница ви го пренесува официјалниот став на сопственикот на клубот Кирил Гогов, под чие водство на очиглед на целокупната домашна фудбалска јавност штипскиот клуб, и од организациски и од спортски аспект, за помалку од една година повторно се враќа на местото кое го заслужува во македонскиот фудбал – меѓу најдобрите клубови во земјава.

СООПШТЕНИЕ

Почитувани љубители на фудбалот, искрени навивачи и поддржувачи, почитувани спонзори и помагатели на ФК Брегалница,

Како клуб сакаме да изразиме огромно жалење за скратената можност рамноправно да се бориме за влез во Првата македонска фудбалска лига, и со тоа да докажеме дека сме еден од најорганизираните клубови во државава а нашето место е во елитата.

Меѓутоа за ФК БРЕГАЛНИЦА од оваа сезона ќе остане да зборуваат сите нескриени успешни проекти и резултати кои ни го вратија епитетот – еден од најреспектабилните клубови во Македонија. Успеавме за краток период да ја консолидираме младинската школа предводена од  кординаторот Борче Постолов, која до прекинот беше на првото место во лигата со убедливи 20 бода предност во однос на второпласираниот. Сето тоа ни дава надеж дека барем во младинските категории следната сезона ќе добиеме шанса да се натпреваруваме во Супер-лигата.

За жал, со појавувањето на пандемијата ЦОВИД-19 беше прекинато првенството во Втората лига – Исток и тоа во момент на само три дена пред големата дерби пресметка на Истокот, меѓу Брегалница и Беласица. Дерби кое ќе ја покажеше вистинската слика околу квалитативниот распоред на силите во првенството, и реалниот пласман на табелата.

Но, денес може само да жалиме за многу изгубени бодови во текот на, сега веќе, изминатата незавршена сезона. И покрај апсолутната доминација буквално на секој натпревар, за жал, на неколку натпревари останавме без заслужени бодови кои во моментот на прекин на шампионатот не оставија без првата позиција.

Како светла точка оваа сезона се уште ни останува КУПОТ НА МАКЕДОНИЈА каде како полуфиналисти не очекува натпреварот со минатогодишниот освојувач, екипата на Академија Пандев. Тоа е за нас голем предизвик и нова можност да покажеме и докажеме дека нашето место е во Првата лига. Доколку успееме да се пласираме во толку посакуваното финале кое ќе значи и најголем успех на нашиот клуб во историјата, може само да ветиме дека ќе го дадеме максимумот и да стигнеме до трофејот во најмасовното домашно клупско натпреварување, што ќе ни овозможи и излез во Европа.

Не знам и не сум сигурен, но можеби ќе бидеме и првиот второлигашки клуб во историјата на фудбалот кој ќе игра во Европа!

Почитувани навивачи и симпатизери на клубот, сакам да истакнам дека и покрај нашето големо разочарување од една ваква непосакувана разврска не сезоната, нема да застанеме на патот до нашата силно зацртана цел. А тоа е изградба на клуб кој ќе се темели единствено на стратешки и долгорочни цели. Изградба на ФК БРЕГАЛНИЦА каква сите ја посакуваме.

Може само силно да ветам дека континуираното вложување во подобри услови за работа на фудбалерите и стручниот штаб како и континуираното вложување во инфраструктура на клубот ќе продолжат и понатаму со несмален интензитет. Следната сезона ФК БРЕГАЛНИЦА ќе биде уште подобра и поорганизирана!

Следната година нашиот клуб слави јубилеј „100 години постоење“. Заедно ќе го прославиме овој голем јубилеј со влез во Првата лига!

Спортски поздрав,

Кирил Гогов

 

МОЖЕБИ ЌЕ ВЕ ИНТЕРЕСИРА

Место едно лажиче, богослужби да има по болниците

И смртта која нашиот Бог Исус Христос ја победи, не е доволна причина Македонската православна …

Leave a Reply

Your email address will not be published. Required fields are marked *