Почетна / Занимливости / Кој нема вакцина,нема да влезе во дискотека

Кој нема вакцина,нема да влезе во дискотека

Градот Виена има намера да ги отвори ноќните клубови само за вакцинирани лица и планира специјални активности за младите со цел да ги натераат да примат вакцина против коронавирусот.

Додека федералната влада најавува отворање на ноќни клубови во јули, виенските власти работат на строги правила, според кои оние што не биле вакцинирани нема да можат да влегуваат во дискотеки.

„Јасно е дека, ако само вакцинираните можат да одат во клубови и дискотеки, тогаш ќе спроведеме специјална акција за вакцинирање млади луѓе на возраст од 18 години“, најави покраинскиот секретар за здравство, Питер Хакер.

Така, Виена ќе овозможи да се закажат вакцинации за 35.000 млади луѓе, кои ќе можат да ја примат првата доза на вакцина во „Австрискиот центар“ од 28 јуни.

Медиумите тврдат дека тој ден ќе се одржи вистинска „забава за вакцинирање“ со музика во живо, и тие ќе бидат вакцинирани со вакцината „Џонсон и Џонсон“, за што е потребно да се прими само една доза.

„Во моментов работиме на деталите, но се планира да се користат насочени манифестации за да се натераат младите да се вакцинираат“, соопшти канцеларијата на Хакер.

МОЖЕБИ ЌЕ ВЕ ИНТЕРЕСИРА

Исповед на една младост (true story)

Долга , убиствена беше ковид паузата.Реков штом ги укинаа мерките да заминам во дискотека, и …

Leave a Reply

Your email address will not be published. Required fields are marked *