Почетна / Балкан / Пожар во центарот на Тузла

Пожар во центарот на Тузла

Пожарот, кој го зафати пазарот во центарот на Тузла, речиси целосно го уништи, а неколку лица се повредени.

Засега не може со сигурност да се тврди што го предизвикало пожарот, но, се сомнева на експлозија на плинска боца.

Огнот избил во делот каде што се продава облека и пластика. Отежнувачка околност е тоа што огнот брзо зафатил повеќе материјали, кои се лесно запаливи, големо количество на пластика и текстил.

Сите расположливи екипи се наоѓаат на терен со цел огнот да се стави под контрола, а на местото на инцидентот брзо стигнале и екипите на итна помош кои им укажале помош на повредените лица.

– Во полициската станица Центар околу 11,20 часот пријавен е пожар на Градскиот пазар. Има повредени и лица кои побарале лекарска помош поради гушење, изјави портпаролката на полицијата во Тузла и додаде дека засега не се знае причината за пожарот.

Материјалната штета е огромна, а голем број продавници останаа без стока, а со тоа и без средства за живот. Ова е втор поголем пожар на пазар во Тузла во последните години. Во мај 2017 година целосно изгоре „пазарот за стари работи” во населбата Сјенак, во источниот дел на Тузла.

МОЖЕБИ ЌЕ ВЕ ИНТЕРЕСИРА

Во Словенија зимата пристигна во лето?!!!

Снегот на Балканот оваа година пристигна порано. Во текот на вчерашниот ден, поради спуштање на …

Leave a Reply

Your email address will not be published. Required fields are marked *